Edificio municipal

Non, non se trata da sala oculta de ningunha casa consistorial, pero si é un inmoble que ten cedido o seu uso a un Concello. Esta é a súa lamentable situación no interior, onde ademais hai documentación importante sobre a cotización dos agricultores do Concello que está como podedes ver toda ciscada polo chan.

Estamos a falar dun edificio de tres plantas, e un ático cun almacén enorme na planta baixa. Edificio que durante máis de 10 anos estivo sen utilizar polo Concello (cantos máis haberá por ahí), non me podo imaxinar cantos usos se lle poderían dar. O caso é que finalmente decidiron rehabilitalo (xa era hora) e a nós tocounos o desagradable traballo de recoller toda a documentación ahí almacenada. Documentación que, como xa dixen, resulta moi relevante para todas aquelas labregas e labregos que intentaron e intentan demostrar que durante a súa dura vida cotizaron á seguridade social. De feito, moitos deles agora mesmo non están cobrando o que lles corresponde porque algunha desa documentación está perdida. Tamén debo dicir que este é o peor caso co que nos atopamos na nosa incesante busca de papeliños oficiais, que rematará o vinveiro venres. Un saúdo para as que realmente fan esa labor, Raquel e Ana que son unhas traballadoras natas.